Dec 23, 2008

Sharing BMK 9 dari Saudara Cyril

Firstly, shallom smua. Sa tdk tau mau ckp apa lagi ni. Yg sa tau, Sa sangat2 bersyukur sama Tuhan ni skarang sebab Dia sentiasa bagi sa peluang utk menikmati cintakasih Dia. Uh wow! Haha.. Jujur sa ckp, sa slalu anggap hal2 kerohanian ni mcm perkara sampingan ja. Tapi, bla suda join ni CSG-UMS & lebih2 lagi join tu program Belia Masuk Kampung ke-9 (BMK) ctu tamparuli, sa dpt rasakan betapa indahnya cintakasih yg Dia berikan kpd kita smua bha. Gituuu..! hehe.. Mula2 tu memang berat hati juga la mau join ni BMK-9. Dalam hati sa balik2 ckp ‘siuk ka tu ah’. Lepas sa register knun, rasa mcm tdk sabar2 pula mau start. Uh wow! Hehe.. Ok, straight to the point la kio. Lepas join ni BMK, sa btul2 rasa happy oh. Pengalaman yg sa dapat ctu memang sangat2 berharga sbab melalui pengalaman itulah sa dpt mengubah diri ini. Sbelum ni, banyak perkara yg memang sa teda keinginan mau buat mungkin sbab malu, ndak biasa, takut dan semualah yang sewaktu dengannya. Biarlah Tuhan saja yg tau apa tu perkara knun. Tapi tu smua dapat sa buat & smpai skarang sa btul2 berterima kasih pada God. Sa bersyukur juga dpt kenal begitu byk saudara seiman time BMK tu. Sa btul2 dapat merasakan betapa besar & indahnya cintakasih Tuhan yg berlimpah melalui kasih sesama kawan2, kasih orang2 kampung d ctu dan kasih semua saudara seiman time BMK tu. Begitu banyak perkara yang mengajar sa utk lebih mengasihi sesama ketika melayani. Biarlah semua ni menjadi kenangan yang terindah & sumber pd kita utk lebih mengenali kasih Tuhan. Sya begitu yakin.. Teruskan melayani!

0 comments:

Please Follow Us :)

 
Design by Free WordPress Themes | Bloggerized by Lasantha - Premium Blogger Themes | cheap international voip calls